မြန်မာစကားပုံနှင့် ဆိုရိုးစကားများ

    လယ်ယာလုပ်ကိုင်သူ တောင်သူတို့သည် ယာကွက်၊ လယ်ကွက် ပြုလုပ်ရန် မြေနေရာ ရှင်းလင်းရာ၌ သစ်ပင်ငယ်များ ချုံဖုတ်များကို ရှေးဦးစွာ ခုတ်ထွင် ရှင်းလင်းပစ်၏။ ထို့နောက်မှ သစ်ပင်ကြီး များကို ခုတ်လှဲ ရှင်းလင်းပစ်ကြသည်။ ထိုသို့ အသေးအငယ် များကို ရှင်းလင်းပြီးမှ အကြီးအမား များကို ခုတ်လှဲ ရှင်းလင်းခြင်းဖြင့် ယာကွက် လယ်ကွက် များကို စနစ်တကျ ဖော်ထုတ် ယူကြသည်။
    ထိုနည်းအတူ စကားပြောရာ၌ ရှေးဦးစွာ သေးငယ်သော အချက်အလက် နှိုင်းယှဉ်ချက် များကို အဆင့်ဆင့် ဖော်ပြပြီးလျှင် ကြီးမား လေးနက်သော အချက်အလက် နှိုင်းယှဉ်ချက်ဖြင့် သိမ်းချုပ်၍ ပြောခြင်းမျိုးသည် တောင်သူယာခုတ် စကားပြောနည်း မည်၏။