သူ့ဆန်စား ရဲမှ
သူ၏ ထမင်းကိုစားလျှင် သူ့တာဝန်ကို ထမ်းရမည်ဖြစ်သကဲ့သို့ သူ၏ ထောက်ပံ့မှုရယူလျှင် သူ ပေးသည့် တာဝန်ကို ကြောက်ရွံ့ငြင်းဆန်၍ မဖြစ်ချေ။
အနောက်ဖက်လွန်မင်းတရားကြီးသည် ပြည်မြို့ကို ချီတက်တိုက်ခိုက်ရာ ပြည်ဘုရင်သည် မြို့ ပျက်သော်လည်း အညံ့မခံဘဲ နန်းမြို့မှ ပြန်လည်ခုခံလေသည်။ ယင်းသောအခါ ဘယဂါမဏိ၏တူ အသက်ဆယ့်သုံးနှစ်သာရှိသော ငထင်သည် "သူ့ ကျေးဇူးသစ္စာနှင့် ဖြစ်ချေသည်။ အသက်ပင် သေ သော်လည်း ငါ့အရှင် ရာဇပလ္လင်တွင် သေပစေတော့၊ ငါ့အရှင်ကို ငါသေမှ ထိပါးရမည်" ဟူ၍ ဓား တစ်ဖက်တစ်စင်းနှင့် ရဲမက်တော်တို့ကို ဆီးကာ၍ဟန့်နှင့်သည်ကို ဦးရီးတော် ဘယဂါမဏိမြင်လျှင် "ဟယ်-ငထင် လူပျိုလူရွယ်၊ မြို့သည်ပျက်၍ ပြည်အလုံးကို သူ့ရဲမက် ဖြစ်ပြီးမှ တစ်ယောက်တည်း သာ ခံ၍ တတ်နိုင်မည်လော၊ ဓားလက်နက်ချ၍ အညံ့ခံ ပေတော့" ဟစ်၍ ဆိုရာတွင်မှ "သူ့ဆန်ကို စားသောကြောင့် ရဲရတော့သည်" ဆို၍ လက်နက်ကို ချလေတော့သည်။
No comments:
Post a Comment