သံကို ကြွက်စား သားကို စွန်ချီ
သံကိုကြွက်စားသည်ဟုဆိုသဖြင့် သားကိုစွန်ချီသည်ဟု တုံ့ပြန်ဆိုသကဲ့သို့ တစ်ဦးကကောက်ကျစ် စဉ်းလဲသဖြင့် တစ်ဦးက ပရိယာယ်သုံး၍ တုံ့ပြန်သည်။
ဗာရာဏသီပြည် ဗြဟ္မဒတ်မင်းလက်ထက်တွင် ဘုရားလောင်းသည် တရားသူကြီးအမတ် ဖြစ်၏။ ထိုအခါ မြို့နေကုန်သည် စဉ်းလဲတစ်ဦးသည် မိတ်ဆွေဖြစ်သော ရွာနေကုန်သည် အပ်ထားသည့် သံ ထယ်သွားများကို ရောင်းစားပြီး သံထယ်သွားများထားရာ နေရာ၌ ကြွက်ချေးများ ကြဲထား၏။ ရွာနေ ကုန်သည်လာ၍ သံထယ်သွားများကိုတောင်းသော် ကြွက်စား၍ကုန်ပြီဟုဆို၏။ မကျေနပ်သော ရွာနေ ကုန်သည်က မြို့နေကုန်သည်၏ သားငယ်ကို ခေါ်ဆောင်၍ဝှက်ထားပြီးလျှင် မြို့နေကုန်သည်အား သား ငယ်ကို စွန်ချီသွားသည်ဟုပြောသည်။ နှစ်ဦးနှစ်ဖက်မကျေနပ်၍ တရားသူကြီးထံသွားကာ အဆုံး အဖြတ် ခံယူကြရာ ဘုရားလောင်းက လှည့်စားတတ်သူသည် လှည့်စားခံရမည်သာ ဖြစ်ကြောင်း ပြော ကာ ထယ်သွားပျောက်သူအား ထယ်သွားများ ပြန်ပေးစေ၍ သားပျောက်သူအား သားကို ပြန်ပေးစေ သည်။
No comments:
Post a Comment