လှေနံ ဓားထစ်
(စကားပုံ)
လှေပေါ်မှ ရေထဲသို့ကျသွားသော ဓားကိုရှာရန် ဓားကျသည့်နေရာမှ လှေနံကိုဓားထစ်၍ မှတ်သား ထားသကဲ့သို့ အကျိုးအကြောင်း မဆင်ခြင်ဘဲ တရားသေ စွဲမှတ်ထားသည်။
ရှေးအခါက လှေသမားတစ်ယောက်သည် လှေငယ်တစ်စင်းဖြင့် မြစ်ရိုးတစ်လျှောက် ကူးသန်း ရောင်းဝယ်နေသည်။ တစ်နေ့တွင် ထိုသူကိုင်ဆောင်လာသော ဓားရှည်တစ်ချောင်းသည် ရေထဲသို့ အမှတ်မထင်ကျသွားသည်။ လှေသမားသည် ချက်ချင်းမဆယ်ယူဘဲ ဓားရှည်ကျသွားသည့်နေရာရှိ လှေနံကို အခြားဓားဖြင့် ထစ်၍ မှတ်ထားသည်။ လှေဆိုက်သည့် အခါ ဓားထစ်ထားသည့် လှေနံကို ကြည့်ကာ ရေထဲသို့ဆင်း၍ ဓားကိုရှာလေသည်။ ဓားကိုကား မတွေ့ရပေ။ သို့သော် တံစဉ်တစ်ချောင်း ကိုတွေ့ရာ မိမိဓားသည် ရေတွင် အချိန်ကြာကြာ နစ်မြုပ်နေရသဖြင့် အချမ်းလွန်ပြီး ကွေးကောက် သွားသည်ဟု အဆင်မခြင် မှတ်ယူလေသည်။
ပုံပြင်
No comments:
Post a Comment