ရွှေသမင် ဘယ်ကထွက် မင်းကြီးတာက ထွက်
ရွှေသမင်ကို ကိုယ့်တာနှင့်ကိုယ် အသီးသီး တာဝန်ယူ၍ ပိတ်ဆို့ဖမ်းဆီးကြရာတွင် ရွှေသမင်သည် ဘုရင်မင်းကြီး၏တာမှ လွတ်မြောက်ထွက်ပြေး သွားသကဲ့သို့ အသီးသီး ကိုယ့်တာဝန်ပိုင်းနှင့်ကိုယ် ဆောင်ရွက်ကြရာတွင် အကြီးအကဲလုပ်သူ လူကြီး၏အပိုင်းမှ လစ်ဟင်းပျက်ကွက်သည်။
ပဉ္စာလမင်းသည် ခြွေရံသင်းပင်းနှင့်တကွ သမင်လိုက်ထွက်သည်။ တောသို့ ရောက်သောအခါ မင်းချင်း ယောက်ျားတို့အား "တစ်စုံတစ်ယောက်၏တာမှ သမင်ထွက်ပြေးလျှင် ထိုသူသည် ပေးလျော် ရမည်" ဟု ဆို၍ ရထားထက်မှ ဆင်းကာ လေးကိုယူ၍ ချုံတစ်ခု၌ နေလေသည်။ မင်းချင်းယောက်ျား တို့သည် ချုံတောအုပ်တို့ကို ပုတ်ခတ်၍ သမင်တို့ကို ခြောက်လှန့်လိုက်သောအခါ သမင်တစ်ကောင် သည် ထွက်၍ ဆိတ်ငြိမ်နေသော မင်း၏ ချုံနံဘေးမှ ထွက်ပြေးလေသည်။ မှူးမတ်တို့သည် အဘယ်သူ ၏ တာမှ သမင်ပြေးသနည်းဟု မေးကြလျက် မင်း၏တာမှ ပြေးသည်ဟုဆိုကာ ပြက်ရယ်ပြုကြကုန် ၏။
တာ = တာဝန်ယူရသည့် နယ်မြေအပိုင်းအခြား။
No comments:
Post a Comment