ယာလည်းညက်၊ ကြက်လည်းပန်း
(စကားပုံ)
ခွပ်နေသော တောကြက်နှစ်ကောင် မောပန်းသည့်အချိန်အထိ စိတ်ရှည်ရှည် စောင့်ဆိုင်းရင်း မိမိ ယာကို ထွန်ရေးမပျက်ထွန်သဖြင့် ယာလည်းညက်၊ ကြက်ကိုလည်း အလွယ်တကူ ဖမ်းသူနိုင်သကဲ့သို့ ကိစ္စတစ်ခုကို အခြေအနေပေးသည်အထိ စိတ်ရှည်ရှည်စောင့်ဆိုင်းရင်း လုပ်ဆောင်ဖွယ်တစ်ခုကို လုပ် နှင့်သဖြင့် အချိန်ပို မကုန်ဘဲ အလုပ်နှစ်ခု ပြီးမြောက်သည်။
တောင်သူယောက်ျား တစ်ယောက်သည် တောစပ်ဝယ် ယာထွန်နေခိုက် တောကြက်နှစ်ကောင် ခွပ်သည်ကို မြင်ရာ ငါအဆောတလျင် ဖမ်းချေသော် ကြက်နှစ်ကောင်လည်း မပင်ပန်းကြသေး၍ ထွက်ပြေးကြအံ့၊ ငါ ယာထွန်သည်လည်း မညက်သေးချေ။ ငါ၏ ယာထွန်ခြင်း ကိစ္စလည်း ပြီးစေဦး၊ ကြက်နှစ်ကောင်လည်း ပင်ပန်း နွမ်းနယ် ကြစေဦး ဟူ၍ ယာကို ထွန်မြဲ ထွန်နေ၏။ ယာညက်သည့် အခါတွင်မူ တောကြက်တို့လည်း ပင်ပန်းနွမ်းနယ်လှပြီဖြစ်၍ နှစ်ကောင်လုံးကို အလွယ်တကူဖမ်းယူ ရရှိလေ၏။
မဏိရတနာပုံ။ ၅၇။
No comments:
Post a Comment