ယောက္ခမ သေမှန်းသိ မြင်းဝယ်မစီးရလား
(စကားပုံ)
ယောက္ခမ သေမှန်းမသိ၍ မြင်းဝယ်မစီးလိုက်ရသူကဲ့သို့ အခြေအနေပေးမှန်းမသိ၍ အခွင့်အရေး ကို မယူလိုက်မိဘဲ ရှိသည်။
ရှေးအခါက လူတစ်ယောက်သည် ရပ်ဝေးသို့ ခရီးသွားလေသည်။ အိမ်သို့ပြန်လာသောအခါ လမ်း ခရီး၌ ရေပြတ်လပ်သောကြောင့် အလျင်သွားနှင့်သော သူတို့အား ငါ့သမက်ကို ရေနှင့် ကြိုလာပါစေ ဟု မှာလိုက်၏။ သမက်လည်း ရေယူ၍ အဆောတလျင် လိုက်လာရာ ယောက္ခမအထံသို့ မရောက်မီ မြင်းသည်တစ်ဦးကို တွေ့၏။ မြင်းသည်ကလည်း ရေငတ်လှ၍ မြင်းကိုယူပါတော့၊ ရေကိုသာ သောက် ပါရစေဟုတောင်း၏။ သို့သော် ရေကိုမပေးဘဲ ယောက္ခမထံအရောက်သွား၏။ ယောက္ခမမှာမူ သမက် မရောက်မီပင် ရေငတ်၍ သေနှင့်လေ၏။ ဤတွင် သမက်လည်း ယောက္ခမသေမည်မှန်းသိလျှင် မြင်း ဝယ်၍ မစီးရပါကလားဟု မချင့်မရဲ ဆိုလေ၏။
လောကပညတ္တိ။ ၉၀။
No comments:
Post a Comment