မြွေပါလည်းဆုံး၊ သားလည်းဆုံး
မြွေပါရော သားပါ ဆုံးရှုံးရသကဲ့သို့ နှစ်ဖက်နှစ်လမ်း နစ်နာဆုံးရှုံးသည်။
ခဝါသည် လင်မယားနှစ်ယောက်သည် တောထဲမှဖမ်းယူ ရရှိသော မြွေပါတစ်ကောင်ကို အိမ်၌ မွေးမြူထားသည်။ မြွေပါသည် ကာလကြာရှည်စွာ လူနှင့်နီးနီးကပ်ကပ် နေရသောကြောင့် ယဉ်ပါး လာသည်။ တစ်နေ့တွင် ခဝါသည် လင်မယားသည် နို့စို့သားငယ်ကို မြွေပါထံအပ်နှံ၍ ခဝါဖွပ်ရန် သွားကြသည်။ ထိုစဉ် မြွေတစ်ကောင်ဝင်လာပြီး ရေသောက်ရန် မြွေပါထံ ခွင့်တောင်း၏။ မြွေပါက ကလေးငယ်ရှိသဖြင့် ခွင့်မပြုနိုင်ကြောင်းပြောရာ မြွေက ကလေးကို အန္တရာယ်မပြုပါဟု ကတိပေး သဖြင့် ခွင့်ပြုလိုက်၏။ မြွေရေသောက်နေစဉ် ကလေးငယ်က မြွေဦးခေါင်းကို ပုတ်ကစားရာ မြွေ သည် ဒေါသထွက်၍ ကလေးငယ်အား ပေါက်လိုက်လေသည်။ ထိုအခြင်းအရာကို မြွေပါမြင်သော အခါ မြွေကိုအပိုင်းပိုင်း ကိုက်ဖြတ်၍ သတ်လေသည်။ ခဝါသည် လင်မယား ပြန်ရောက်သည့်အခါ သားသေနှင့် သွေးပေနေသော မြွေပါကို မြင်လျှင် မစူးစမ်း မဆင်ခြင်ဘဲ မြွေပါကို ရိုက်သတ်လေ သည်။ ထိုနောက် မြွေသေကိုမြင်သည့် အခါတွင်မှ မြွေပါကို ရိုက်သတ်မိခြင်းမှာ မိမိတို့အမှားဖြစ် သည်ဟု သိရှိကာ နောင်တကြီးစွာ ရလေသည်။
No comments:
Post a Comment