ဆိတ်ဆိတ်နေ ထောင်တန်
(စကားပုံ)
မပြောသင့်သော အခြေအနေတွင် ဆိတ်ဆိတ်နေခြင်းသည် တောတစ်ထောင်တန်သည် ဆိုသကဲ့ သို့ မပြောသင့်သည့် အချိန်မျိုးတွင် နှုတ်စောင့်စည်းခြင်းသည် အကျိုးများစွာ ရှိသည်။
တိတ်တိတ်နေ ထောင်တန် - နှင့် အတူတူ။
တစ်ရံရောအခါ ကေသရာဇာခြင်္သေ့မင်းသည် မြေခွေးမနှင့် ပေါင်းဖော်ရာ ခြင်္သေ့ငယ်တစ်ကောင် ဖွားမြင်၏။ ခြင်္သေ့မင်းက ခြင်္သေ့ငယ်အား သင်အသံ မပြုနှင့်၊ အသံပြု၍ အခြားတိရစ္ဆာန်များ ကြား လျှင် မြေခွေးသံပါ၍ မရိုမသေ ရှိချေတော့မည်၊ သင်ဆိတ်ဆိတ်နေသော် ယူဇနာတစ်ထောင်ရှိသော တောကို ပေးမည်ဆို၏။ သို့သော် ခြင်္သေ့ငယ်က ဆိတ်ဆိတ်မနေ၊ ဟောက်ချေသောကြောင့် အခြား တိရစ္ဆာန်များက မရိုမသေ ရှိ၍ တောတစ်ထောင်ကို မရရှိတော့ချေ။ ခြင်္သေ့မင်းလည်း "ဆိတ်ဆိတ် နေပါလေသော် တောတစ်ထောင် တန်လေ၏" ဟု ဆိုလေသည်။
ပုံပြင်
No comments:
Post a Comment