ကိုယ့်ရှူး ကိုယ်ပတ်
(စကားပုံ)
ကိုယ့်ရှူး ကိုယ်ပတ် ဆိုသကဲ့သို့ မိမိ၏ မကောင်းသောအကြံကြောင့် မိမိပင် ဒုက္ခဖြစ်သည်။
သူတစ်ပါးမကောင်းကြံ ကိုယ့်မှာ ဘေးဒဏ်ထိ - ဆိုရိုးလည်းရှု။
ရှေးအခါက ရွာတစ်ရွာတွင် လူတစ်ယောက်သည် ပြစ်မှုကျူးလွန်မိသဖြင့် အမှုမှလွတ်ရန် ရှေ့နေ ငှားရမ်းသည်။ ရှေ့နေခကိုမူ အမှုပြီးမှပေးရန် သဘောတူထားကြသည်။ ရုံးတော်တွင် စစ်ဆေးသည့် အခါ တရားခံသည် မေးသမျှကို ပြန်မဖြေဘဲ ရှေ့နေ မှာကြားထားနှင့်သည့်အတိုင်း ရူးဟန်ဆောင်၍ ရှူးရှူး ဟုသာ ဆိုနေသည်။ နောက်ဆုံးတွင် ရုံးမင်းက ဤလူသည် စိတ်မနှံ့သူတစ်ဦးသာ ဖြစ်သည်ဟု ဆိုကာ အမှုမှ တရားသေလွှတ်လိုက်သည်။ တရားပြီးပြတ်၍ ရှေ့နေက အမှုသည်ထံမှ ရှေ့နေခ တောင်းသည့်အခါ မပေးဘဲ ရှူးရှူး ဟုသာ ဆိုလေသည်။ ရှေ့နေ ဖြစ်သူသည် မကြံတတ်တော့ဘဲ ကိုယ့်ရှူးက ကိုယ့်ကို ပြန်ပတ်ချေပြီဟု ညည်းညူလေသည်။
No comments:
Post a Comment